#Corse – Cinque di maghju : u culpacciu di a Federazione ! #Furiani92

25 Janvier 2013

Corsica Infurmazione " #Corse - Cinque di maghju : u culpacciu di a Federazione ! #Furiani92

U cumitatu esecutivu di a Federazione hà resu a so “sintenza”, deci ghjorni fà, per ciò chì tocca à a sacralisazione naziunale di u 5 di maghju. Si ghjucherà, dunque, stu ghjornu quì, fora d’ind’è noi. Chì ci vuleria à capisce quì ? Chì piulata !
U culletivu di e vittime di u drama di Furiani, chì si batte dapoi mesi è mesi per ottene, ogni cinque di maghju, un ghjornu senz’alcuna cumpetizione di ghjoc’à ballò –ciò chì ci pare ghjustu- aspittava altr’affare. In fattu, sta decisione sbucca nantu à u cuntrariu. Secondu à a pusizione di i « scaldi carreghe » di a fede, ùn ci serà alcuna partita, un cinque di maghju…in Corsica. Ne una finale di cuppa naziunale (ancu di grazia). Ma-è què rivolta u culletivu- si ghjucherà in Cuntinente, scusate, in Francia !
È, in stu casu quì, si po pinsà chè, trà tutte e squadre corse cuncernate (L1, L2, naziunale, CFA, CFA2), uni pochi sianu custrette, secondu à u calendariu, di ghjucà fora di casa. Vale à dì, per indettu, chè l’ACA riceve è dunque, ùn ghjoca micca, è u SCB, privistu in dispiazzamentu, ghjoca.
Una decisione, chì, ùn ci vole micca avè paura di dilla, manca di cuerenza. Ma i nostri amichi di a fede, ùn si piantanu micca quì. Dumandanu, in più, una minuta di silenziu per u prussimu 5 di maghju chì cascaria un sabbatu (in u 2018). Parchì u sabbatu è micca l’altri ghjorni ? È masimu u prussimu, chì casca una dumenica. Per via d’unu di i so respunsevuli, Didier Grassi, u culletivu hà vulsutu risponde. “Semu tutti dilosi di sta decisione senz’alcunu rispettu. L’affare pare chjara per a federazione : Face di u 5 di maghju, un fattu trà corsi. Quest’annu, ci seranu trè partite u 5 di maghju (dumenica), cù a pussibilità d’attribuisce, stu ghjornu, u campiunatu di Francia. »
Ancu s’è parechji, trà noi, pensenu chè u Sporting porta una respunsabilità maiò per ciò chì hè accadutu u 5 di maghju di u 1992, u SCB hè una squadra francese, chì ghjoca in cumpetizione francese, è chì sopratuttu, ghjucava stu ghjornu, a meza finale d’una cumpetizione francese. Tandu, hè troppu faciule, di fà casca a respunsabilità, solu nantu à i Turchini. È, s’è d’un cantu, Noël Le Graët, u sgiò presidente di a FFF, parla di sulidarità di u ghjocu à ballò Francese, i fatti, elli, ùn seguitanu micca. Tandu, dopu à tante decisione pigliate contru à e squadre corse, ci hè da ponesi questione. Chè quì, un passu in più hè statu francatu.
F.P.
Suite et source de l’article
Corsica Infurmazione: l’information de la Corse, des Réseaux sociaux et des Blogs politiques
Vous aimez cet article ? Faîtes-en profiter vos amis !Faites passer l’information autours de vous en cliquant sur :

http://feedproxy.google.com/~r/CorsicaInfurmazione/~3/6TzbSV-g_bY/

Partager cet article