HEYSEL – HILLSBOROUGH – FURIANI : aldilà di l’attu sacru di memoria, a rispunsabilità è a colpa di l’omi..

5 Mai 2013

Corsica Infurmazione - HEYSEL - HILLSBOROUGH - FURIANI : aldilà di l'attu sacru di memoria, a rispunsabilità è a colpa di l'omi..

Sia cum’ella sia, per noi altri corsi stu 5 di maghju serà sempre un ghjornu di ricordu, di preghera è di sulidarità.
Di pettu à ciò ch’ellu si passa, u primu scandalu hè di sicuru u dsipettu maiò fattu à e famiglie è à noi altri tutti chì difendimu l’idea d’un ghjornu senza ballò.
Ma, cum’è per altr’affari, di pulitica è di restu, pocu impreme à a Lega Francese di ballò, pocu impreme à Parigi di dacci stu ghjornu per pregà. Leghjendu stasera u giurnale « l’Equipe », m’avvecu chì in fin’di contu, stu 5 di maghju hè statu una ghjurnata spurtiva cum’è l’altre, puru in tant’altre discipline spurtive.
Ne simu quì.
N’avemu contr’à Thiriez è i so amichi. Simu avvezzi à stu razzisimu anticorsu da parte soia, quist’annu ancu di più cù a punizione di l’ACA (menu 2 punti) è di u Sporting (3 macci fora).
Ma scrivendu st’impinnatella in dumenica sera, pensu à l’omi chì anu decisu di fà ghjucà sti macci, in Brusselle, in Inghilterra o sta famosa sera in Furiani.
Eccu, senza aghjustanne, ma per ùn caccaiamila solu cù Thiriez, è per salutà a memoria di quelli chì sò partuti una sera – ch’avia da esse una bella festa per a Corsica – forse perchè ch’elli si sò fidati cum’è mè à quelli ch’organisavanu, cuntrullavanu, firmavanu fogli d’autorisazione, di certificazione, tira avanti è tocca…
Iè, stasera mi dicu: « Eccu ciò ch’ella pò fà certe sere a pazzia umana… »
Saveriu Luciani
http://mad-marcus.over-blog.com/
Revue de Presse et suite de l’article :
sur le JDC, Sur Alcudina, sur Corsica Infurmazione/Unità Naziunale, sur France 3 Corse, Sur Corse Net Info, sur Corse Matin, sur Alta Frequenza, sur RCFM
Vos Réactions, vos commentaires sur Ce forum ?
Corsica Infurmazione: l’information de la Corse, des Réseaux sociaux et des Blogs politiques [Plateforme Unità Naziunale]Vous aimez cet article ? Faîtes-en profiter vos amis !

http://www.corsicainfurmazione.org/40859/heysel-hillsborough-furiani-aldila-di-lattu-sacru-di-memoria-a-rispunsabilita-e-a-colpa-di-lomi/2013/

Partager cet article